„აიკრძალოს ხუდონჰესის ჰიდროელექტროსადგურის მავნებლური პროექტი და მოხდეს მისი საბოლოო ლიკვიდაცია", - დღეს, 20 მაისს მესტიაში, სოფელ ხაიშში საპროტესტო აქცია იმართება.
„გთხოვთ, სრულიად საქართველოს მოსახლეობას დავიძრათ სვანეთისაკენ, რათა გამყიდველ ხელისუფლებას დავანახოთ ჩვენი ერთობის ძალა. ჩვენი ერთიანი ძალისხმევით გადავარჩინოთ ამჟამად სვანეთი, ხოლო სვანეთიდან სრულიად საქართველო! ხელისუფლება, რომელმაც უკვე მერემდენედ იცრუა საკუთარი მოსახლეობის წინაშე, ძალის გამოყენების პრინციპით აგრძელებს ურთიერთობების მოგვარებას საკუთარ ხალხთან, ასე ძალადობით და სიცრუით შევიდა და აიღო მტრის ციხეკოშკივით „მესტა-ჭალა ჰესის" ტერიტორია და აგრძელებს მოსახლეობის დამონება დაბეჩავებას.
ასევე ძალისმიერი მეთოდებით აპირებს აგრეთვენ დაიწყოს ხუდონჰესის ჰიდროელექტროსადგურის მშენებლობა, რომელიც გასული საუკუნის 90-იან წლებში იქნა შეჩერებული დავდგეთ ყველა ერთად და ერთხელ და საბოლოოდ ბოლო მოვუღოთ ამ მავნებლურ პროექტებს საქართველოში. ყველანი ხაიშში!!! არა ხუდონჰესს!!! არა დამანგრეველ და ბუნების გამანადგურებელ პროექტებს!!!", - ნათქვამია განცხადებაში.
