„გავერთიანდეთ BASSIANI / HOROOM-ის გადასარჩენად. www.bassiani.com/donate-ის საშუალებით გთხოვთ, შემოუერთდეთ შემოწირულობას, იმისთვის, რომ დაეხმაროთ BASSIANI / HOROOM გუნდს, რომ შევინარჩუნოთ სივრცე და დავიწყოთ სამართლებრივი დავა სახელმწიფოს მხრიდან წარმოებული ჩაგვრის წინააღმდეგ." - კლუბ „ბასიანის" ადმინისტრაცია მხარდამჭერებს მიმართავს.
12 მაისის სპეცოპერაციის შემდეგ კლუბი დალუქულია. მფლობელებისთვის უცნობია, როდის გაიხსნება კლუბი. შს მინისტრის თქმით, საგამოძიებო მოქმედებები ჯერ ისევ მიმდინარეობს კლუბის ტერიტორიაზე.
„ზარალი ძალიან დიდია. დღიდან დღემდე იზრდება. ჩვენ უნდა გავცეთ ხელფასები. როცა მინისტრს ვუთხარით ამის შესახებ, გვითხრა, რომ ამაზე ამ მომენტამდე არ უფიქრია და ამაზე დაფიქრდება“ - განაცხადა კლუბის ერთ-ერთმა დამფუძნებელმა 15 მაისს მინისტრთან შეხვედრის შემდეგ.
