შეფასებისა და გამოცდების ეროვნული ცენტრის ინფორმაციით, ქართული ენისა და ლიტერატურის გამოცდაზე მეთორმტეკლასელების დაახლოებით 3%-მა მინიმალური კომპეტენციის ზღვარი ვერ გადალახა. ზღვარი წარმატებით გადალახა მოსწავლეთა 97% -ზე მეტმა.

დღეს, 21 მაისს დამამთავრებელი კლასის მოსწავლეები უცხოური ენების გამოცდას ჩააბარებენ.

მე-12 კლასის მოსწავლეებისთვის გამოსაშვები გამოცდები დაიწყო. მოსწავლეები გამოცდას ოთხ საგანში (ქართული ენა და ლიტერატურა, უცხო ენები, ისტორია და მათემატიკა) ჩააბარებენ.

შეფასებისა და გამოცდების ეროვნული ცენტრის ინფორმაციით, გამოცდებისთვის 49 ათასზე მეტი აპლიკანტია დარეგისტრირებული.

წელს საატესტატო გამოცდები შეცვლილი ფორმატით ტარდება.

სიახლეს წარმოადგენს ის, რომ შემოღებულია ჩააბარა/არ ჩააბარა  (Pass/Fail) შეფასების სისტემა.

გამოცდის დასრულების შემდეგ, ნაცვლად ქულისა, მოსწავლე მხოლოდ იმას შეიტყობს გადალახა თუ ვერ გადალახა ბარიერი.