„ჩემი პოზიცია ის არის, რომ რაღაცაზე აუცილებლად უნდა შევთანხმდეთ", - ამის შესახებ საპარლამენტო უმრავლესობის წევრმა ნუკრი ქანთარიამ „ქართული ოცნების“ სხდომის დაწყებამდე ნარკოპოლიტიკის საკითხთან დაკავშირებით განაცხადა. შეხვედრაზე, სადაც ერთ-ერთი მთავარი განსახილველი საკითხი ნარკოპოლიტიკაა, „ქართული ოცნების" თავმჯდომარე ბიძინა ივანიშვილი იმყოფება.
ქანთარიას თქმით, ის, რომ ნარკომომხმარებელი აღარ უნდა იჯდეს ციხეში, ამაზე ყველა თანხმდება.
„ის, რომ რეალიზატორების მიმართ, რომ უნდა გამკაცრდეს ესეც შეთანხმებულია და მთავარია, დოზებზე არ გამოვიდეს წახალისების ელემენტი მომხმარებლებთან დაკავშირებით. ალბათ ამაზე იქნება უფრო დავა. თუ ვამბობთ, რომ არ უნდა დავაკავოთ, ეს ნიშნავს, რომ არ უნდა მოხდეს საპყრობილეში და კრიმინალად არ უნდა ჩაითვალოს თუ, რა თქმა უნდა, ეს არ იქნება სისტემატური ხასიათის“, - განაცხადა ნუკრი ქანთარიამ.