ქართველმა სეკივაკემ, ტოჩინოშინმა (ლევან გორგაძემ) სუმოს ყველაზე ტიტულავანი სპორტსმენი, მოქმედი იოკუძუნა, მონღოლი ჰაკუჰო დაამარცხა. მიმდინარე ნაცუ ბაშოზე ტოჩინოშინმა მე-12 გამარჯვება მოიპოვა.
ჰაკუჰოს დამარცხება ლევან გორგაძისთვის განსაკუთრებული მოვლენაა. მათ შორის დაპირისპირება 10 წლის წინ დაიწყო და დღემდე 25 ოფიციალურ ორთაბრძოლას ითვლიდა და ყველა მათგანი ჰაკუჰოს გამარჯვებით მთავრდებოდა.
ტოჩინოშინს იოკუძუნა ჰაკუჰო მხოლოდ არაოფიციალურ ტურნირში ჰყავდა დამარცხებული. ქართველ სეკიტორის, ტოჩინოშინ ცუიოშის 12 ბრძოლიდან 12-ვე მოგებული აქვს და გაზაფხულის ბაშოს დასრულების შემდეგ, სავარაუდოდ, ოძეკის ტიტულს მოიპოვებს.
