სირიამ ოკუპირებული სამხრეთ ოსეთი დამოუკიდებელ რესპუბლიკად ცნო, რისთვისაც მარიონეტული ხელისუფლების ლიდერი ანატოლი ბიბილოვი სირიის ხელისუფლებას მადლობას უხდის.
„ყველას სჭირდება ახალი მეგობრები, მით უმეტეს იმ ქვეყნებს, რომლებიც მძიმე პირობებში აღმოჩნდნენ, შეეჯახნენ სამხედრო აგრესიასა და ტერორიზმს. დიპლომატიური ურთიერთობების დამყარება ჩვენს ქვეყნებს შორის, დარწმუნებული ვარ, სასარგებლო იქნება სირიისა და სამხრეთ ოსეთისთვის“, - აცხადებს ბიბილოვი.
ბიბილოვის თქმით, ის მზადაა, სირიასთან დაამყაროს ყველაზე ახლო და მეგობრული პოლიტიკური, ეკონომიკური და კულტურული ურთიერთობები. „ეს არის იმ იმ შეუქცევადი პროცესის ნაწილი, რომელიც 2008 წელს ჩვენმა სტრატეგიულმა პარტნიორმა - რუსეთის ფედერაციამ დაიწყო. დარწმუნებული ვარ, ყოველ წელს სულ უფრო მეტი ქვეყანა გაითვალისწინებს იმ პოლიტიკურ რეალობას, რომელიც ამიერკავკასიაში შეიქმნა“, - აცხადებს ბიბილოვი.
