სირიის რეჟიმის მიერ ოკუპირებული აფხაზეთისა და სამხრეთ ოსეთის დამოუკიდებლობის ცნობის გასაპროტესტებლად 2 ივნისს, 19:00 საათზე აქცია იგეგმება.
აქციის ორგანიზატორები აცხადებენ, რომ დღეს კიდევ ერთხელ მოხდა საქართველოს სუვერენიტეტისა და ტერიტორიული მთლიანობის შებღალვა.
„რუსეთის მარიონეტად ქცეულმა სირიის ხელისუფლებამ, რუსეთის მთავრობის წაქეზებით აღიარა საქართველოს ოკუპირებული ტერიტორიები,
რაც კიდევ ერთი მტრული ნაბიჯია რუსეთის მხრიდან საქართველოსთან მიმართებით.
ორგანიზაცია ახალი ანაბეჭდი/New Imprint და მოძრაობა მესამე ოპოზიცია მოგიწოდებთ, რომ კვლავ გამოვიჩინოთ ერთობა და სიმტკიცე.
გელით ყველას რუსთაველის გამზირზე!
ავიმაღლოთ ხმა რუსეთის ზღვარსგადასული ქმედების წინააღმდეგ!
ვინც ფიქრობთ, რომ ჩვენი აქციით არაფერი შეიცვლება, ცდებით !
დამთავრდეს შიში ხმის ამოღებისა!
ახლა, როგორც არასდროს, ისეა საჭირო ერის გაერთიანება.
მოგიწოდებთ ყველას, განურჩევლად ეროვნების, სარწმუნოების, ასაკის, სქესის, მსოფლმხედველობისა და ორიენტაციისა, მოხვიდეთ და დადგეთ თქვენი ქვეყნის სახელით, თქვენივე ქვეყნისთვის ბრძოლაში!
ასევე, მოვუწოდებთ სხვა არასამთავრობოებსა და მოძრაობებს, შემოგვიერთდნენ ოკუპაციის წინააღმდეგ ბრძოლაში!", - აცხადებენ აქციის ორგანიზატორები.
