პარლამენტის წინ ოპოზიციური პარტიების მიერ დაანონსებული აქცია იწყება. ამ დროისთვის ზაზა სარალიძე აქციაზე არ იმყოფება. როგორც აქციის ერთ-ერთმა ორგანიზატორმა ზვიად კუპრავამ განაცხადა, აქცია გაგრძელდება ზაზა სარალიძესთან ერთად ან მის გარეშე.
ჟურნალისტების კითხვაზე მივა თუ არა დღევანდელ აქციაზე ზაზა სარალიძე, კუპრავამ უპასუხა, რომ ,- „თუ ჩათვლის საჭიროდ მოვა, თუ არ ჩათვლის საჭიროა არ მოვა, არ ვაწუხებ“.
მისივე თქმით, ამის მიუხედავად პროტესტი გაგრძელდება:
„რა თქმა უნდა პროტესტს რა შეწყვეტს, საქართველოში პროტესტი შეწყდება? საქართველოში პროტესტი არ უნდა შეწყდეს მანამ, სანამ ივანიშვილის რეჟიმი იქნება ამ ქვეყანაში“,- უთხრა მან ჟურნალისტებს.
ზაზა სარალიძემ ვაკის პარკში მიმდინარე აქცია დატოვა, არსებული ინფორმაციით ის სახლში წავიდა.
პარლამენტის შენობის წინ ოპოზიციურმა პარტიებმა აქციები დაანონსეს. მათი თქმით, ისინი „რეჟიმის დასამხობად“ გააგრძელენ ბრძოლას.
ვაკის პარკში შეკრებილები მოქალაქეები ემიჯნებიან აქციას, სადაც პოლიტიკოსების მონაწილეობენ. „სოლიდარობა პოლიტიკოსების გარეშე“ - ისინი ზაზა სარალიძეს სოლიდარობას უცხადებენ და მოუწოდებენ, რომ მათთან ერთად დარჩეს.
