ამ წუთებში ზაზა სარალიძე პარლამენტის წინ მიმდინარე აქციაზე მივიდა. ის დღეს ასევე იმყოფებოდა ვაკის პარკში მიმდინარე აქციაზე, „სოლიდარობა პოლიტიკოსების გარეშე“.
სარალიძის ამ აქციაზე მისვლის შემდეგ საზოგადოების ნაწილმა ჩათვალა, რომ ის გაემიჯნა რუსთაველის გამზირზე ოპოზიციური პარტიების მიერ დაანონსებულ აქციას. ის ახლა რუსთაველის გამზირზეა, თუმცა ჯერ არ მიუმართავს საზოგადოებისთვის.
ჟურნალისტებს მან განუცხადა რომ ცოტა ხნით დარჩება აქციაზე რადგან მისი მეუღლე არ გრძნობს თავს კარგად.
აქციაზე ასევე იმყოფება მალხაზ მაჩალიკაშვილი.
გუშინ რუსთაველის გამზირზე ზვიად კუპრავამ ოპოზიციურ პარტიებს "რეჟიმის დასამხობად" გაერთიანებისკენ მოუწოდა.
ამ მოწოდების შემდეგ ის კონსულტაციისთვის ედპ-ეს ოფისში შეხვდა სხვადასხვა პოლიტიკური პარტიების წარმომადგენლებს.
შეხვედრის დასრულების შემდეგ ისინი რუსთაველის გამზირზე დაბრუდნენ სადაც ენმ-ის ლიდერმა ნიკა მელიამ და სხვა ოპოზიციური პარტიების წევრებმა საზოგადოებას მიმართეს და დღევანდელი აქცია დაანონსეს.
მათი თქმით, დღეს უნდა გააცნონ მხარდამჭერებს სამოქმედო გეგმა.
