პარტია „ევროპული საქართველოს“ ერთ-ერთი წევრის, ოთო კახიძის განმარტებით, თუ ხორავას ქუჩის საქმეზე შექმნილი დროებითი საგამოძიებო კომისია გადაწყვეტილებას მიიღებს, მირზა სუბელიანს ახსნა-განმარტებას მისი ადგილსამყოფელის მიხედვით ჩამოართმევენ.
მისი შეფასებით, კომისიისთვის მირზა სუბელიანისგან ინფორმაციის მიღება ძალიან საინტერესოა.
„ვიმსჯელებთ ამ საკითხზე და თუ შესაბამისი გადაწყვეტილება იქნება მიღებული, ახსნა-განმარტებას მისი ადგილსამყოფელის მიხედვით ჩამოვართმევთ. როგორც კი ბატონი შოთაძის მხრიდან ინფორმაციის მიღება გახდება აუცილებელი, მას პარლამენტში კომისიაზე დავიბარებთ“,- აცხადებს ოთო კახიძე, რომელიც საგამოძიებო კომისიის ერთ-ერთი წევრია.
ხორავას ქუჩაზე მოზარდების მკვლელობის საქმის გამოსაძიებლად პარლამენტში დროებითი საგაოძიებო კომისია შეიქმნა. ის მორიგ სხდომას დღეს ქუთაისში გამართავს.
