საპარლამენტო უმრავლესობის წევრი ვანო ზარდიაშვილი იუსტიციის მინისტრობის კანდიდატის, თეა წულუკიანის საქმიანობის შესახებ საუბრობს.
„ქალბატონი თეა არის წარმატებული მინისტრი. მან ჩვენს ქვეყნისთვის ფასდაუდებელი სამუშაოები გაწია. განსაკუთრებული მადლობა მინდა გადავუხადო არასრულწლოვანთა მართლმსაჯულების კოდექსისთვის; ანტიდისკრიმინაციული კანონმდებლობისთვის; აღსრულების ახალი კანონისთვის; სისხლის სამართლის კოდექსის ძირეული ცვლილებებისთვის; დასკვნით ფაზაში არსებული გადახდისუუნარობის ახალი კანონისა და სხვა უამრავი საკანონმდებლო ცვლილებისთვის რომელსაც იუსტიციის სამინისტრო ახორციელებს ქალბატონი თეას ხელმძღვანელობით", - აცხადებს ვანო ზარდიაშვილი და განაგრძობს, - „ვისურვებდი, რომ მისნაირ მინისტრებს კიდევ დიდხანს ჰქონდეთ უანგაროდ და განსაკუთრებული პროფესიონალიზმით მუშაობის საშუალება. ზოგიერთი არასამთავრობო ორგანიზაცია, რომელიც დაცლილია სახელმწიფოებრივი ხედვისგან ვერც კი ხვდება, როგორი არაჯანსაღია მათი მოთხოვნა იუსტიციის მინისტრის გადადგომასთან დაკავშირებით".
