#უსმინებუნებას ( #ListenToNature ) - ბუნების დაცვის მსოფლიო ფონდი Tbilisi Open Air-ზე ფესტივალის სტუმრებს მიაწვდის ინფორმაციას, თუ როგორ გაუფრთხილდნენ ბუნებას ყოველდღიური პროდუქტების ზომიერად და სწორად მოხმარებით. ამისთვის კი ფესტივალზე სპეციალური სივრცე - „ეკო-კემპი“ მოეწყო.
ბუნების დაცვის მსოფლიო ფონდის (WWF) მისიაა დედამიწის ბუნებრივი გარემოს განადგურების შეჩერება და ისეთი მომავლის შექმნა, სადაც ადამიანები ბუნებასთან ჰარმონიულ კავშირში იცხოვრებენ.
„ჩვენი მიზანია, დავაინტერესოთ სტუმრები ბუნების დაცვითი საკითხებით, უფრო ახლოს გაეცნონ ბუნებისთვის არსებულ საფრთხეებს და თავადაც დაიწყონ მოქმედება ამ გამოწვევების წინააღმდეგ. ასევე, სურვილების სიბოლურ ხესთან დაპირდნენ დედამიწას, რომ იზრუნებენ მასზე. შესაბამისად, გვინდა თითეულმა ჩვენგანმა ბუნების დაცვა აქციოს ცხოვრების წესად", - აცხადებენ ორგანიზატორები.
