ყაზბეგის მუნიციპალიტეტი აცხადებს ტენდერს, რომლის ღირებულება 281,260 ლარია. ტენდერი 15 ივნისს გამოცხადდა, წინადადებების მიღება კი 29 ივნისს იწყება და 2 ივლისს სრულდება.
მუნიციპალიტეტს ამ ფასად 4 პიკაპის ტიპის მანქანა სურს.
შემოთავაზებული ავტომობილი უნდა იყოს: მარცხენასაჭიანი, ახალი (ექსპლუატაციაში არმყოფი), განბაჟებული და გამოშვებული არაუადრეს 2017 წლისა.
მანქანები აღჭურვილნი უნდა იყვნენ კონდიციონერით, აუდიოსისტემით, საჭის გამაძლიერებლით, საჭის სიმაღლისა და სარკეების ელექტრონული მარეგულირებლებით და ა.შ.
ავტომობილი შეიძლება იყოს ნებისმიერი ფერის, გარდა შავისა.