თბილისში, ავტობუსში 17 წლის მოზარდი დაჭრეს. ექიმის თქმით, მისი მდგომარეობა მძიმეა.

თბილისში არასრულწლოვანი დაჭრეს

„ინტერპრესნიუსის“ ინფორმაციით,  ოპერაცია დასრულდა და მძიმე მდგომარეობაში მყოფი პაციენტი რეანიმაციაშია გადაყვანილი. ექიმის თქმით, მოზარდს კუჭი და პანკრეასი აქვს დაზიანებული. 

„პაციენტი მოყვანილი იყო სასწრაფო დახმარების ბრიგადის მიერ მუცლის ღრუში შემავალი ჭრილობისა და ჰემორალური შოკის დიაგნოზით. ჩაუტარდა ოპერაცია. დაზიანებული იყო კუჭი, პანკრეასი, იყო ასევე, კუჭის გამჭოლი ჭრილობა, პანკრეასის ქვედა კიდის გამჭოლი ჭრილობა. გაიკერა კუჭი, პანკრეასი და დაზიანებული სხვა ორგანო. შეჩერდა სისხლდენა. სისხლის დანაკარგი დაახლოებით 2 ლიტრამდეა. მძიმეა პაციენტის მდგომარეობა, გადაყვანილია რეანიმაციაში", - განაცხადა „რეგიონულ ჰოსპიტლის" ზოგადი ქირურგიული დეპარტამენტის უფროსმა, ლექსო ლაგვილავამ.

შსს-ს ინფორმაციით, მომხდარზე გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს და სასჯელის სახით 7-დან 15 წლამდე თავისუფლების აღკვეთას ითვალისწინებს.