შალვა შავგულიძემ პროკურორობის კონკურსიდან პროტესტის ნიშნად კანდიდატურა მოხსნა. ამის შესახებ მან რამდენიმე წუთის წინ ბრიფინგზე განაცხადა.
"ხელისუფლებამ არ მოისურვა რომ დემოკრატიის ასეთი მცირე ხარისხი მაინც შეეძინა. ჩემი მონაწილეობა ამ პროცესში ამით იყო განპირობებული. ჩემი მონაწილეობა ასე იქნებოდა ანტურაჟი", - განაცხადა შალვა შავგულიძემ.
შავგულიძის კანდიდატურა პროკურორობის კონკურსზე პარტია "ევროპულმა საქართველომ" დაასახელა.
„სხდომის გახსნისთანავე დავაყენე მოთხოვნა, რომ კანდიდატებთან გასაუბრება ღია ყოფილიყო მედიისთვის. მნიშვნელოვანია საზოგადოებამ კანდიდატების პასუხები მიიღოს ლაივ რეჟიმში და თავად შეაფასოს, მაგრამ საპროკურორო საბჭომ ჩვენი ეს მოთხოვნა არ გაითვალისწინა. ვერ ვხედავ აზრს მივიღო მონაწილეობა ამ პროცესში. რა თქმა უნდა, შალვა შავგულიძეც იგივე პოზიციაზეა. ჩვენ არ გვქონია ილუზია, რომ საპროკურორო საბჭო აირჩევდა მთავარ პროკურორად შავგულიძეს", - განაცხადა ოთარ კახიძემ.
მთავარი პროკურორის შესარჩევ კონკურსში ორი კანდიდატი დარჩა. ესენი არიან: შალვა თადუმაძე და ნინო გოგნიაშვილი.
