შინაგან საქმეთა სმაინისტროს ცნობით, ბოლო ექვსი თვის განმავლობაში კანონიერი ქურდობისა და ქურდული სამყაროს წევრობის ბრალდებით, საქართველოში 20-მდე პირია დაკავებული.
როგორც უწყებაში აცხადებენ, ევროპის ქვეყნების სამართალდამცავ ორგანოებთან თანამშრომლობის შედეგად, საფრანგეთსა და საბერძნეთში დაკავებულები არიან სხვადასხვა ორგანიზებულ-დანაშაულებრივი დაჯგუფების წევრები - საქართველოს 119 მოქალაქე და 9 „კანონიერი ქურდი“.
შინაგან საქმეთა სამინისტრომ „ქურდული სამყაროს“ წევრობის ბრალდებით, ბოლო დღეებში 10 პირი დააკავა, „კანონიერ ქურდ“ მინდია ლავასოღლის კი ბრალი დაუსწრებლად წარედგინა. აღნიშნულის შესახებ შინაგან საქმეთა მინისტრის პირველმა მოადგილემ, კახა საბანაძემ ბათუმში გამართულ ბრიფინგზე ისაუბრა.
