სოციალურ ქსელში გავრცელდა ფოტო-ვიდეო მასალა, რომელზეც ასახულია იპოდრომის მიმდებარე ტერიტორია, სადაც ხეებს ჭრიან.
როგორც „ლიბერალს“ თბილისის მერიაში განუცხადეს, ცინცაძე-კარტოზიას ქუჩის კვეთაზე სატრანსპორტო კვანძის მოწყობის სამუშაოები მიმდინარეობს და ამის გამო, ნებართვის საფუძველზე იჭრება 7 ხე.
„მოგეხსენებათ, ცინცაძე-კარტოზიას ქუჩების კვეთაზე მიმდინარეობს სატრანსპორტო კვანძის მოწყობის სამუშაოები. ამ მიზნით, დღეს, ნებართვის საფუძველზე იჭრება 7 ხე. იმისათვის, რომ ხელი არ შეშლოდა სამუშაოებს, გადაირგო 123 ფოთლოვანი და 51 მცირე ზომის წიწვოვანი ხე, სხვლა-ფორმირება ჩაუტარდა 6 ხეს, ასევე დაირგო 140 ხე“, - განუცხადეს „ლიბერალს“ თბილისის მერიიდან.
ფოტო: ნატო კირვალიძე
