დათო სარალიძის მკვლელობის გამოძიების მოთხოვნის მიზნით გორის ქუჩებში გაკეთებულ წარწერებზე შინაგან საქმეთა სამინისტრომ გამოძიება დაიწყო. ამის შესახებ ინფორმაციას გორის სათემო რადიო „მოზაიკა“ ავრცელებს. შსს რადიო „მოზაიკის“ დირექტორს, გვანცა დოლუაშვილს ქალაქის იერსახის დამახინჯებას ედავება.
„წარწერების გაკეთებიდან დაახლოებით 2 თვის შემდეგ გორის სათემო რადიო „მოზაიკის“ დირექტორის, გვანცა დოლუაშვილისთვის ცნობილი გახდა, რომ მის წინააღმდეგ დაწყებული იყო ადმინისტრაციული საქმის წარმოება - პოლიცია მას ქალაქის იერსახის დამახინჯებაში ადანაშაულებს და ასკ-ს 150-ე მუხლის მიხედვით, მისი 500 ლარით დაჯარიმებას მოითხოვს“, - წერია რადიო „მოზაიკის“ ვებგვერდზე.
