„ეკლესიას გიორგი მამალაძის უდანაშაულობის რომ გვჯეროდეს, ჩვენ აქამდე გამოვიყვანდით მას. მოგახსენებთ იმასაც, რომ პატრიარქი ფიქრობს, გიორგი მამალაძე დამნაშავეა“, - განუცხადა ქორეპისკოპოსმა იაკობმა ჟურნალისტებს .
მისი ინფორმაციით, სინოდის სხდომა შემოდგომაზე გაიმართება და ერთ-ერთი განსახილველი საკითხი გიორგი მამალაძის თემა იქნება. ქორეპისკოპოსი ამბობს, რომ ვინც მამალაძეს იცნობდა, მის სანახავად პენიტენციურ დაწესებულებაში არ შევა.
„ვინც მას ვიცნობთ და ვიცით, რას აკეთებდა, გიორგი მამალაძესთან არ შევალთ. მეუფე გრიგოლს აქვს თავისი აზრი, თუმცა მანაც ჩემთან საუბარში თქვა, რომ გიორგი მამალაძე დამნაშავეა“, - განაცხადა ქორეპისკოპოსმა.
სასულიერო პირის თქმით, თუ გიორგი მამალაძის დამცველები არ მოისვენებენ, ისინიც გაეხვევიან შარში.
