„მე პრეზიდენტს მივმართავ წერილით, რომელშიც დეტალურად ავხსნი იმ გარემოებეს, რისი მსხვერპლიც ვარ,“ - ამის შესახებ მსჯავრდებულმა გიორგი მამალაძემ „შაბათის კურიერთან“ სატელეფონო საუბრისას განაცხადა.
მისი თქმით, პრეზიდენტს აქვს ბერკეტი, დეტალურად გაეცნოს ამ საქმეს.
„პრეზიდენტს შეუძლია და აქვს უნიკალური ბერკეტი, საზოგადოებაზე მეტად, დეტალურად ჩაწვდეს ამ საქმეს. მას შეუძლია უფრო ღრმად და ძირფესვიანად შეისწავლოს ეს საკითხი და მიიღოს გადაწყვეტილება, რაც ნათელს მოფენს ამ ყველაფერს, მაგრამ ეს პრეზიდენტის გადაწყვეტილებაა. რამდენად გაუძლებს ის იმ ზეწოლას, რასაც ვერ გაუძლო ნინო გვენეტაძემ, ბუგიანაშვილმა და სხვა მოსამართლეებმა, ეს უკვე პრეზიდენტის პიროვნული გადაწყვეტილებაა“, - განაცხადა გიორგი მამალაძემ.
