გერმანიის კანცლერი ანგელა მერკელი საქართველოში ოფიციალური ვიზიტით 23 აგვისტოს, თბილისის დროით 15:30 საათზე ჩამოვა. აეროპორტში მას საგარეო საქმეთა მინისტრი დავით ზალკალიანი და გერმანიაში საქართველოს ელჩი ელგუჯა ხოკრიშვილი დახვდებიან. 

16:10 საათზე მერკელი საქართველოს პრემიერ-მინისტრს მთავრობის ადმინისტრაციაში შეხვდება, რის შემდეგაც შეხვედრა გაფართოებული შემადგენლობით გაიმართება. 

მასში მონაწილეობას მიიღებენ: ​გერმანიის მხრიდან: ანგელა მერკელი - ფედერალური კანცლერი, შტეფენ ზაიბერტი - სახელმწიფო მდივანი, სპიკერი, ჰაიკე ფაიჩი - გერმანიის ელჩი საქართველოში, იან ჰეკერი - კანცლერის მრჩეველი საგარეო და უსაფრთხოების საკითხებში, ლარს ჰენდრიკ როელერი - კანცლერის ეკონომიკური და ფინანსური პოლიტიკის საკითხებში, უვე კორსეპიუსი - კანცლერის მრჩეველი ევროპული პოლიტიკის საკითხებში, მათიას ლიუტენბერგი - კანცელარიის სამხრეთ კავკასიის განყოფილების უფროსი

საქართველოს მხრიდან: მამუკა ბახტაძე, გიორგი გახარია, დავით ზალკალიანი, მიხეილ ბატიაშვილი, ივანე მაჭავარიანი, ელგუჯა ხოკრიშვილი, კახა კახიშვილი, გიორგი ჩერქეზიშვილი, გიორგი ჭოლაძე, ვახტანგ ქათამაძე.

17:00 საათზე პრემიერი და მერკელი ერთობრივ პრესკონფერენციას გამართავენ, 20:00-ზე კი ოფიციალური სადილი გაიმართება. 

მერკელის ვიზიტი საქართველოში 23-24 აგვისტოს გაგრძელდება.