კინომატოგრაფიის ეროვნული ცენტრის ცნობით, ოსკარის უცხოურენოვანი ფილმის ნომინაციისთვის საქართველოს კანდიდატ ფილმს დღეს გამოავლენენ.
გადაწყვეტილებას სპეციალური კომისია იმ 6 ფილმის შეფასების შედეგად მიიღებს, რომელთაც დააკმაყოფილეს ამერიკის კინოაკადემიისა და ეროვნული კინოცენტრის მოთხოვნები და განაცხადი ეროვნულ კინოცენტრში შემოიტანეს.
გადაწყვეტილება ფარული კენჭისყრის საფუძველზე თბილისში, დღეს, 15:00 საათზე მიიღებენ.
ოსკარზე საქართველოს კანდიდატი ფილმის სტატუსის მოსაპოვებლად წელს შემდეგი 6 ქართული ფილმია წარმოდგენილი:
- „ხიბულა" - რეჟისორი გიორგიოვაშვილი
- „ნამე" - რეჟისორი ზაზა ხალვაში
- „ჰორიზონტი" - რეჟისორი თინათინ ყაჯრიშვილი
- „დედე" - რეჟისორი მარიამ ხაჭვანი
- „ექვთიმე ღვთისკაცი" - რეჟისორი ნიკოლოზ ხომასურიძე
- „ჰამლეტი" - რეჟისორი გიორგი მეგრელიშვილი
ეროვნული კინოცენტრის მიერ შექმნილი სპეციალური კომისია ასე დაკომპლექტებული:
1.მერაბ კოკოჩაშვილი - რეჟისორი
2.დიმიტრი მამულია - რეჟისორი
3.გივი-ბესიკ ოდიშარია - სცენარისტი
4.ლომერ ახვლედიანი - ოპერატორი
5.ია შუღლიაშვილი - მსახიობი
6.კახა კანდელაკი - საქართველოს განათლების, მეცნიერების, კულტურისა და სპორტის სამინისტროს წარმომადგენელი
7.ზურაბ მაღალაშვილი - ეროვნული კინოცენტრის დირექტორი
8.გოგი მიქელაძე - მხატვარი
9.ნინო მხეიძე - კინომცოდნე
ამერიკის კინოაკადემიის დაჯილდოების 91-ე ცერემონია 2019 წლის 24 თებერვალს გაიმართება.