„ცენტრ პოინტი" M2-სთვის საკუთარი აქტივების გადაცემას იწყებს. ამის შესახებ „ინტერპესნიუსს" „ცენტრ პოინტ ჯგუფის" სამეთვალყურეო საბჭოს თავმჯდომარემ, გუკა რჩეულიშვილმა განუცხადა. მისივე თქმით, 10 დღეში M2 სამშენებლო სამუშაოებს დაიწყებს, ამის პარალელურად კი მაია რჩეულიშვილსა და რუსუდან კერვალიშვილთან საპროცესო შეთანხმება გაფორმდება და ისინი საპატიმროს დატოვებენ.
„ორ კვირაში M2 დაიწყებს სამუშაოებს რამდენიმე ობიექტზე. ამ სამუშაოების წარმოებისთვის „ცენტრ პოინტი" M2-ს თავისუფალ აქტივს გადასცემს. მარტივად რომ ვთქვათ, „ცენტრ პოინტი" ქირაობს M2-ს სამშენებლო სამუშაოების საწარმოებლად, თუმცა თანხის ნაცვლად მისცემს თავისუფალ ობიექტებს. პირველ ასეთ აქტივს ორ კვირაში გადავცემთ. მშენებლობის წარმოების პარალელურად კი მაიასთან და რუსიკოსთან გაფორმდება საპროცესო შეთანხმება და ისინი საპატიმროს დატოვებენ", - განაცხადა გუკა რჩეულიშვილმა.