„ქართული ოცნების“ დეპუტატმა გედევან ფოფხაძემ პრეზიდენტობის კანდიდატის სალომე ზურაბიშვილის შესახებ ისაუბრა. მან თქვა, რომ სალომე ზურაბიშვილის ბევრი დადებითი თვისება შეუძლია გაიხსენოს.
„სალომე ზურაბიშვილის მიმართ მაქვს ჩემი პირადი სიმპათიები. შემიძლია, მისი ბევრი დადებითი თვისება წამოვწიო წინა პლანზე – თუნდაც მისი ძალიან დიდი წინაპრები და ის ადამიანები, ვისი შთამომავალიც არის. მისი ევროპული მენტალობა, დამოკიდებულება ევროპული კულტურის მიმართ, დამოკიდებულება ჩვენი დიასპორის მიმართ – ეს ის საკითხებია, რაც პრეზიდენტს უშუალოდ ეხება. სალომე ზურაბიშვილს თავისი ბიოგრაფიიდან და პიროვნული თვისებებიდან გამომდინარე, შეუძლია ეს საკუთარ თავზე აიღოს და ღირსეულად განახორციელოს“, - აღნიშნა გედევან ფოფხაძემ.
28 ოქტომბრის საპრეზიდენტო არჩევნებში „ქართული ოცნება“ მხარს სალომე ზურაბიშვილის კანდიდატურას უჭერს.
