დღეს გამართულ ბრიფინგზე პრემიერ-მინისტრმა, მამუკა ბახტაძემ განაცხადა, რომ მომზადებულ კანონპროექტს, მარიხუანის მოხმარების შესახებ, მთავრობის სხდომაზე დღეს განიხილავენ, შემდეგ კი პარლამენტს გადაუგზავნიან.
„კანონპროექტის მიხედვით, მკაცრად დარეგულირდება და დაისჯება მარიხუანის მოხმარება საზოგადოებრივი თავშეყრის ადგილებში, საზოგადოებრივ ტრანსპორტში, არასრულწლოვნების თანდასწრებით, სასწავლო დაწესებულებების სიახლოვეს, სამსახურებრივი მოვალეობის შესრულების დროს, ამავე დროს ეს რეგულაცია შეეხება საჯარო მოხელეებს, პედაგოგებს, ექიმებსა და სხვადასხვა პროფესიის წარმომადგენლებს. მოზარდების მიერ მარიხუანის მოხმარების მავნე ზეგავლენისგან დასაცავად დაისჯება ამავე დროს ის ადამიანები, რომლებიც შეეცდებიან ამ იდეის პოპულარიზაციას 21 წლამდე პირებში. მინდა, ხაზგასმით აღვნიშნო, რომ გამკაცრდება პასუხისმგებლობა მოხმარების პოპულარიზაციისა და რეკლამირებისთვის. შეგახსენებთ, რომ მარიხუანის გასაღება არის სისხლის სამართლის დანაშაული და ის არის დასჯადი“, - განაცხადა მამუკა ბახტაძემ.
პრემიერის თქმით, კანაფის მოყვანა და სამედიცინო მიზნით წარმოება მკაცრად რეგლმენტირებული იქნება.
„რათა მაქსიმალურად თავიდან იქნეს აცილებული ქაოტური და კანონსაწინააღმდეგო პროცესი“.
