საგანგებო სიტუაციების მართვის სამსახურის ინფორმაციით, შავ ზღვაზე 4-ბალიანი შტორმია და ტალღების სიმაღლე 3 მეტრს აღწევს. მათი ცნობით, ყველა სამაშველო კოშკურაზე აღმართულია წითელი ალამი.
საგანგებო სიტუაციების მართვის სამსახური მოსახლეობას მოუწოდებს, ყურადღება მიაქციონ ამკრძალავ ნიშნებსა და დაემორჩილონ მაშველების რეკომენდაციებს. მათი განმარტებით, ზღვაში შესვლა ნებადართული კოშკურებზე თეთრი ალმის აღმართვის შემთხვევაში იქნება.
სამსახურის ინფორმაციით, აკრძალვა 16 სექტემბრის 10:00 საათამდე მოქმედებს.
