საგანგებო სიტუაციების მართვის სამსახურის ინფორმაციით, 25 სექტემბერს, 18:00 საათიდან ამინდის გაუარესების გამო, შავ ზღვაში მოსალოდნელია 4-5-ბალიანი შტორმი. სამსახური მოსახლეობას აფრთხილებს, რომ დღეს ტალღების სიმაღლე 3.5-დან 4-მეტრს მიაღწევს, რის გამოც ზღვაში შესვლა იკრძალება. 

„ყველა სამაშველო კოშკურაზე აღიმართება წითელი ალამი. ყურადღება მიაქციეთ ამკრძალავ ნიშნებს. გთხოვთ, დაემორჩილოთ მაშველების რეკომენდაციებს“, - ნათქვამია გავრცელებულ განცხადებაში.