1-ელი აგვისტოდან დღემდე 30 კომპანია შემოწმდა და შრომის უსაფრთხოების ნორმები არც ერთში არ იყო სრულად დაცული, - ამის შესახებ შრომის, ჯანმრთელობისა და სოციალური დაცვის მინისტრის მოადგილემ თამილა ბარკალაიამ განაცხადა. მისივე თქმით, მას შემდეგ, რაც ამოქმედდა არანებაყოფლობით ინსპექტორება, შემოწმდა 30 კომპანია და გაცემულია რეკომენდაციები.
„1-ელი აგვისტოდან დღემდე დაახლოებით 30 კომპანიაა შემოწმებული და ინსპექტირება ჩატარებული. ამ 30 კომპანიიდან დაახლოებით 80%-ში იყო საშუალო რისკის შეფასება და შესაბამისი რეკომენდაციებია გაცემული. არც ერთი კომპანია არ ყოფილა, სადაც სრულად იყო დაცული შრომის უსაფრთხოების ნორმები. შესაბამისად, ყველა კომპანიის მიმართ გაიცა რეკომენდაცია და შესასრულებლად მიეცა გონივრული ვადა, რომლის ამოწურვის შემდეგ ჩვენ უკვე ვემზადებით რემონიტორინგისთვის. იმ შემთხვევაში, თუ არ იქნება ეს რეკომენდაციები გათვალისწინებული, ამოქმედდება სანქცირების ის მექანიზმები, რომელიც კანონითა არის დადგენილი", - განაცხადა ბარკალაიამ.
