ქართველი ძიუდოისტი, 23 წლის გურამ თუშიშვილი მსოფლიო ჩემპიონატის გამარჯვებული გახდა. ის ფინალში ქართველ ძიუდოისტს უშანგი კოკაურს დაუპირისპირდა, რომელიც აზერბაიჯანის სახელით ასპარეზობს.
ქართველი ძიუდოისტი მეორე წრეში რუმინელ დანიელ ნატეას შეხვდა და დაამარცხა, შემდეგი ორთაბრძოლა უკრაინელ იაკივ ხამოს მოუგო. მეოთხედფინალში და ნახევარფინალში კი ჰოლანდიელ როი მეიერი და მონღოლი დურენბაიარ ულზიბაიარი დაამარცხა. თუშიშვილმა ყველა შეხვედრა იპონით მოიგო.
ამ მსოფლიო ჩემპიონატზე ეს საქართველოსთვის პირველი ოქროს მედალია. ვერცხლის მედალი 25 სექტემბერს ვარლამ ლიპარტელიანმა მოიპოვა, ბრინჯაო კი - ამირან პაპინაშვილმა.
