თბილისის საქალაქო სასამართლომ მშობლების მიმართ ფიზიკურ შეურაცხყოფაში ბრალდებული კ.კ. დამნაშავედ ცნო. მოსამართლის გადაწყვეტილებით, მას ერთი წლით თავისუფლების აღკვეთა მიესაჯა. 

„სასამართლოში წარდგენილი მტკიცებულებებით დადასტურდა, რომ 2018 წლის 15 ივლისს ურთიერთშელაპარაკების ნიადაგზე კ.კ.-მ მშობლების მიმართ განახორციელა ძალადობა, რა დროსაც მამას - რ.კ.-ს და დედას - ე.კ.-ს რამდენჯერმე დაარტყა ხელი. სამართალდამცველებმა კ.კ. იმავე დღეს დააკავეს“, - ნათქვამია პროკურატურის მიერ გავრცელებულ განცახდებაში.

უწყების ინფორმაციით, კ.კ.-ს ბრალდება 11',126-ე მუხლის მე-2 ნაწილის „გ“ ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია, ჩადენილი ორი პირის მიმართ) წარედგინა და აღკვეთის ღონისძიების სახით პატიმრობა შეეფარდა.