საფრანგეთის პრეზიდენტი ემანუელ მაკრონი სომხეთსა და აზერბაიჯანს ეწვევა. მაკრონი ერევანში 11-12 ოქტომბერს დაგეგმილ ფრანკოფონიის სამიტთან დაკავშირებით ჩავა.
საფრანგეთის პრეზიდენტი რეგიონში ვიზიტის ფარგლებში ბაქოსაც ესტუმრება. დაგეგმილია აზერბაიჯანის პრეზიდენტ ილჰამ ალიევთან შეხვედრა.
„ლიბერალი“ საგარეო საქმეთა სამინისტროს დაუკავშირდა და დაინტერესდა - რეგიონში ვიზიტის დროს რატომ არ ჩამოდის ემანუელ მაკრონი საქართველოში?
საქართველს საგარეო საქმეთა სამინისტროდან მოგვწერეს: „ეს გახლავთ საფრანგეთის პრეზიდენტის რეგიონული ვიზიტი, იგი ერევანს ესტუმრება ფრანკოფონიის სამინტთან დაკავშირებით. ჩვენ საფრანგეთთან გვაქვს უაღრესად წარმატებული ორმხრივი ურთიერთობის დინამიკა, მათ შორის უმაღლეს დონეზე შეხვედრები, რისი დასტურიც იყო უმაღლეს დონეზე შეხვედრა ბრიუსელის NATO-ს სამიტის ფარგლებში, სადაც აღინიშნა, რომ მაღალი დონის ვიზიტზე მუშაობა გაგრძელდება დიპლომატიური არხებით".
