„10 წუთის წინ დედაენის ბაღში გამოცხადდენ კრიმინალური პოლიციის თანამშრომლები, იაგოს მოკიდეს ხელი და ძალით წაიყვანეს განყოფილებაში", - ამის შესახებ „გირჩის" პრეზიდენტობის კანდიდატი ზურა ჯაფარიძე აცხადებს.
მისი თქმით, მიზეზად უთხრეს ის, რომ იაგო ხვიშია განყოფილებაში უნდა გაეჩხრიკათ.
„შევთავაზეთ, რომ აქვე შეგიძლიათ გაჩხრიკოთ, მაგრამ არა, განყოფილებაში უნდა გავჩხრიკოთო. ახლაც მოძრაობს დიდი ჯგუფი პოლიციელების და ალბათ ასე ცალ-ცალკე წაგვიყვანენ. სავარაუდოდ ვახოსაც [მეგრელიშვილი] წაიყვანენ და მეც", - განაცხადა ჯაფარიძემ.
მისი თქმით, დედაენის ბაღი, სადაც მათ ე.წ. კანაფის ლეგალიზების ფესტივალი უნდა გამართონ, სავეა პოლიციელებით. მისივე თქმით, მათ ასევე არ მისცეს საშუალება სკვერში არაპატურის შეტანის.
„მინდა იცოდეთ, რომ ფესტივალი ტარდება ჩვეულებრივად, ადამიანები შეიკრიბებიან 4:20 წუთზე. როგორც ეს იყო დაგეგმილი. მათ შორის ის ადამიანები, ვინც აპირებს, რომ აქ რაღაცები გაყიდონ და იმხიარულონ. მიზანი არის, რომ ფესტივალი შედგეს ნებისმიერ შემთვევაში. თუ მე დამაკავეს, ერთადერთი რაც შეიძლება შეიცვალოს არის ის, რომ ვეღარ მოვახერხო სამოქალაქო დამოუმორჩილებლობის აქტის ჩადენა", - განაცხადა ჯაფარიძემ.
„ლიბერალი" იაგო ხვიჩიას განყოფილებაში გადაყვანის შესახებ შინაგან საქმეთა სამინისტროს კომენტარს მიღებისთანავე შემოგთავაზებთ.