„გამოქვეყნდა სამარცხვინო ფალსიფიცირებული ეგზიტპოლები სამივე პოლიტიკური ძალის მიერ, რომლებიც ერთი პოლიტიკური მამის შვილები არიან, რომელთა ზნეობა არ იცვლება, რომელთა ღმერთი არის მწვანე დოლარი", - ეს განცხადება „ლეიბორისტული პარტიის“ პრეზიდენტობის კანდიდატმა, შალვა ნათელაშვილმა საგანგებო ბრიფინგზე გააკეთა.
ის საპრეზიდენტო არჩევნების ეგზიტპოლებს უნდობლობას უცხადებს და ამერიკულ კვლევით ორგანიზაცია Edison Research-ს უსინდისოს უწოდებს.
ნათელაშვილმა თავის ამომრჩეველს მადლობა გადაუხადა.
„მინდა, სულით და გულით უდიდესი მადლობა გადავუხადო ათეულ ათასობით ამომრჩეველს, რომელიც დღეს მოვიდა უბნებზე და მხარი დაგვიჭირა სრულიად უანგაროდ, ერთი თეთრის გარეშე", - განაცხადა შალვა ნათელაშვილმა.