საპარლამენტო უმრავლესობის წევრი ბექა ნაცვლიშვილმა საპრეზიდენტო არჩევნები შეაფასა და განაცხადა, რომ სალომე ზურაბიშვილის მხარდაჭერა „ქართული ოცნების“ მხრიდან არ იყო ომახიანი, რამაც ამომრჩეველზე იმოქმედა.
„წინასწარ შედეგებთან დაკავშირებით მმართველი გუნდის მხრიდან იყო სკეპტიკური დამოკიდებულება, რომ შესაძლებელი იქნებოდა მეორე ტური. ეს არ არის „ნაციონალური მოძრაობის” გამარჯვება, ეს არის „ქართული ოცნების” შეცდომების ასახვა ხალხის განწყობებზე.
„ასეა, შეიძლება ერთმა გუნდმა ითამაშოს ისე, როგორც თამაშობდა, მეორემ ცუდად და დამარცხდეს. მაგრამ ეს არ ნიშნავს იმას, რომ პირველმა ითამაშა კარგად. სალომე ზურაბიშვილის მხარდაჭერა ცალყბად გადავწყვიტეთ თავიდან. ეს არ იყოს ხმამაღალი განცხადებებით, ომახიანი განწყობით, ამან ამომრჩეველზე სერიოზულად იმოქმედა. ამ ე.წ დამარცხებაში სალომე ზურაბიშვილს არანაირი წვლილი არ მიუძღვის, ეს არის მმართველი გუნდის ბრალეულობა, ჩვენ არ დავუჭირეთ მხარი ისე, როგორ უნდა დაგვეჭირა”, - განაცხადა ბექა ნაცვლიშვილმა.
ნაცვლიშვილმა „ქართული ოცნების“ მიერ დაკვეთილ ეგზიტპოლების შედეგებზეც ისაუბრა, რომელიც „ფსიქოპროექტმა“ ჩაატარა. მისი თქმით, ის მათ ადგილას ორგანიზაციას სახელს გადაარქმევდა და სხვა საქმეს მიხედავდა.
„როცა ამხელა ცდომილებაა, „ფსიქოპროექტის“ ადგილზე სახელს გადავირქმევდი და სხვა საქმეს მივხედავდი“, - განაცხადა ბექა ნაცვლიშვილმა.
