დღეს საპატრიარქოში გამართული შეხვედრის დასრულების შემდეგ შს მინისტრმა გიორგი გახარიამ ჟურნალისტებთან განაცხადა, რომ მთავრობა უახლოეს მომავალში კანაფის კულტივიზაციის კანონპროექტს პარლამენტიდან გამოითხოვს.
მისი თქმით, პატრიარქთან შეხვედრის ძირითადი მიზანი ამ თემის განხილვა იყო.
"რადგან ასეთი ვნებათაღელვა გამოიწვია, ჩვენ ვიმსჯელეთ და პროექტს გამოვიწვევთ" - განაცხადა გახარიამ.
საპატრიარქოში გამართულ შეხვედრაში შს მინისტრი და საქართველოს პარლამენტის თავმჯდომარე ირაკლი კობახიძე მონაწილეობდნენ.
