საპატრიარქოში გამართული შეხვედრის შემდეგ მონაწილეებმა ჟურნალისტებთან კომენტარი გააკეთეს.
შეხვედრაზე, რომელზეც გადაწყდა, რომ კულტივიზაციის კანონპროექტს მთავრობა გაიწვევს, საკონსტიტუციო სასამართლოზეც იმსჯელეს.
„კიდევ ერთ საკითხი, რომელიც მნიშვნელოვანია. საკონსტიტუციოს გადაწყვეტილებების მიღებისას მსჯელობა დავიწყეთ, რომ იყოს გარკვეული საკანონმდებლო რეგულაციები, რომ უფრო მეტი ლეგიტიმაცია ჰქონდეს გადაწყვეტილების მიღებას, ანუ შეიზღუდუს შესაძლებლობა, რომ ორმა კაცმა მიიღოს გადაწყვეტილება.
ძალიან ზოგადად ვისაუბრეთ. ერთ-ერთი ვარიანტი შეიძლება იყოს, რომ მოსამართლეთა კოლეგია წარმოდგენილი იყოს უფრო მრავალრიცხოვანი მოსამართლეებისგან.
ეს მნიშვნელოვანია, რადგან ნებისმიერი რეგულაციის განულება შეუძლია საკონსტიტუციო სასამართლოს რამდენიმეკაციან კოლეგიას და გაცილებით უსაფრთხო იქნება თუ იქნება ფართო წარმომადგენლობა მოსამართლეებისა“. - განაცხადა დეკანოზმა ანდრია ჯაღმაიძემ.
