სვეტიცხოვლის მონასტერში, ბერა ივანიშვილის ჯვრისწერის მიზეზით, მოქალაქეებს დროებით არ უშვებენ. ჯვრისწერის ცერემონიას ტელეკომპანია "პირველი" გადასცემს პირდაპირ ეთერში, სადაც ჩანს, რომ ჟურნალისტები ცერემონიას სვეტიცხოვლის შესასვლელიდან ადევნებენ თვალს.
ერთ-ერთი თვითმხილველის თქმით, ეკლესიაში შესვლაზე უარი მას დაცვის წევრმა უთხრა, რომელმაც განუმარტა, რომ მიზეზი ბერა ივანიშვილის ჯვრისწერა იყო.
ტელეკომპანია "რუსთავი 2" ინფორმაციით, ეკლესიაში მხოლოდ მიწვეული სტუმრები შედიან.
ერთ-ერთმა თვითმხილველმა ბერა ივანიშვილის ჯვრისწერის შესახებ სოციალურ ქსელშიც პოსტი გამოაქვეყნა.