ზვიად პატარიძე 23 წლამდე მოჭიდავეთა შორის მსოფლიო ჩემპიონია.
საქართველოს ჭიდაობის ეროვნული ფედერაციის ცნობით, პირველი ფინალური დღის შემდეგ გუნდურ ჩათვლაში საქართველოს ბერძნულ-რომაული სტილით ნაკრები 58 ქულით პირველ ადგილზეა.
მათივე ცნობით, მსოფლიოს ჩემპიონები ნუგზარ წურწუმია (55 კგ) და ზვიად პატარიძე (130 კგ) გახდნენ. დღეს, 14 ნოემბერს რამაზ ზოიძე (72 კგ) და გელა ბოლქვაძე (82 კგ) ფინალში არიან და ოქროს მედლებისათვის იბრძოლებენ, გიორგი მელია (97 კგ) ბრინჯაოს მედლისათვის იჭიდავებს, დავით ჩხარტიშვილი (60 კგ) დამამშვიდებელი წრიდან გააგრძელებს ბრინჯაოსთვის ბრძოლას.
