„ჩვენ ძალიან მკაფიოდ ვთქვით მიხეილ სააკშვილის განცხადებასთან დაკავშირებით. ეს არის მისი პერსონალური მოსაზრება, რასაც ამ ეტაპზე ჩვენ არ ვიზიარებთ. განსხვავებული მოსაზრება გვაქვს ამასთან დაკავშირებით“, – აღნიშნა გიორგი ვაშაძემ.

მისივე თქმით, სწორედ ამ საკითხზე იმსჯელებენ დღეს, 18:00 საათზე ფილარმონიაში დაგეგმილ შეხვედრაზე.

„დამთავრდა ერთპიროვნული გადაწყვეტილებები და ახლა ზუსტად ის დროა, როცა გაერთიანებული ოპოზიცია და „ძალა ერთობაშია“ რეალურად აჩვენებს ​საკუთარ სახეს და ძალას. აქ არის 11 პოლიტიკური სუბიექტი, რომელიც გადაწყვეტილებებს იღებს კონსენსუსით. ყველა წევრის მოსაზრებას გიზიარებთ ამ საკითხზე. თქვენ ვერც ერთ წევრს ვერ ნახავთ კოალიციაში, რომელსაც აქვს განსხვავებული მოსაზრება“, – განაცხადა გიორგი ვაშაძემ.

გუშინ ეგზიტპოლის შედეგების გამოცხადების შემდეგ, მიხეილ სააკაშვილმა განაცხადა, რომ ის არ აღიარებს არჩევნების ამ შედეგებს და მოსახლეობას აქციებისკენ გამართვისკენ მოუწოდა. 

გუშინ საქართველოში საპრეზიდენტო არჩევნების მეორე ტური გაიმართა. "ქართული ოცნების" მხარდაჭერილმა კანდიდატმა სალომე ზურაბიშვილმა ხმების 59.52% მიიღო. ხოლო გრიგოლ ვაშაძემ 40.42%.