„მოსკოვი იმედოვნებს, რომ საქართველოში საპრეზიდენტო არჩევნების შედეგები ორ ქვეყანას შორის ურთიერთობების ნორმალიზებას შეუწყობს ხელს“, - განაცხადა რუსეთის საგარეო საქმეთა მინისტრის მოადგილემ, გრიგორი კარასინმა Ria.ru-სთან
„ველოდებით, რომ არჩევნების შედეგები საშუალებას მოგვცემს, გავაგრძელოთ მუშაობა ჩვენი ურთიერთობის ნორმალიზებისა და გაუმჯობესებისთვის“, - განაცხადა კარასინმა.
ცენტრალური საარჩევნო კომისიის ვებგვერდის მიხედვით დათვლილია ხმების 100%. წინასწარი მონაცემებით, სალომე ზურაბიშვილს 1147627 ამომრჩეველმა მისცა ხმა, რაც 59.52 % -ია. გრიგოლ ვაშაძეს 780633 ამომრჩეველმა მისცა ხმა, რაც 40.48 %-ია.
