საპატრიარქოს ფონდის ხელმძღვანელი ლაშა ჟვანია საქართველოს პრეზიდენტის ადმინისტრაციის უფროსი იქნება. ამის შესახებ ინფორმაცია ჟვანიამ მედიას უკვე დაუდასტურა.
დღეს ჟვანიამ ჟურნალისტებთან განაცხადა, რომ ეს საკითხი პატრიარქისა და პრეზიდენტის მოლაპარაკების საგანი იყო.
„ეს საკითხი პატრიარქისა და ქალბატონი პრეზიდენტის მოლაპარაკების საგანია. ჩემი თანხმობა აქ არ არის შუაში“, - ამის შესახებ პატრიარქის ფონდის დირექტორმა, ლაშა ჟვანიამ „ტვ პირველს“ დღეს განუცხადა განუცხადა.
მისი განმარტებით, მიუხედავად იმისა, რომ ზურაბიშვილის წინასაარჩევნო კამპანიას ხელმძღვანელობდა და საგარეო საქმეთა მინისტრობის დროს მისი მოადგილე იყო, ამჟამად პატრიარქის ფონდს ხელმძღვანელობს და ამ თანამდებობის დატოვების შესახებ გადაწყვეტილებას თავად ვერ მიიღებდა.
„პატრიარქის ფონდის ხელმძღვანელი ვარ. ჩემი დანიშვნა პატრიარქის გადაწყვეტილებით მოხდა და ჩემი გათავისუფლებაც მასზე იქნება დამოკიდებული“,- განაცხადა ლაშა ჟვანიამ.