საქართველოს არჩეულმა პრეზიდენტმა სალომე ზურაბიშვილმა Euronews-თან მიცემულ ინტერვიუში ისაუბრა,თუ რითი იქნება მისი პრეზიდენტობა გამორჩეული სხვა პრეზიდენტებისგან და რა გეგმები აქვს მას.
ზურაბიშვილის თქმით, მისი ერთ-ერთი ამოცანა არის შერიგება, რადგან წინასაარჩევნო პერიოდი მკვეთრი პოლიტიკური დაპირისპირებით ხასიათდებოდა. მისი თქმით, ამ ამოცანას ქალი უკეთ გაართმევს თავს, ვიდრე მამაკაცი.
„ჩემს წინაშე დგას ისეთი ამოცანა, რაც შერიგებას გულისხმობს. არჩევნები და პერიოდი, რაც მას წინ უსწრებდა, ძალიან მკვეთრი პოლიტიკური დაპირისპირებით ხასიათდებოდა და ახლა უნდა გადავიდეთ შერიგების პროცესში, რასაც ქალი უკეთ გაართმევს თავს, ვიდრე მამაკაცი“, - განაცხადა მან.
ზურაბიშვილის თქმით, ის იქნება პრეზიდენტი, რომელიც პოლიტიკურ პარტიებზე მაღლა დადგება.
„მე განზარახული მაქვს ვიყო სწორედ ისეთი პრეზიდენტი, რომელიც პოლიტიკურ პარტიებზე მაღლა დადგება და პოლიტიკურ ბრძოლაში არ ჩერთვება“,- აღნიშნა ზურაბიშვილმა.