სამეგრელოში ძლიერი ქარით გამოწვეული ზარალის ძირითადი ოდენობა დათვლილია.

ის დღეის მდგომარეობით, 7 მილიონ ლარს აღემატება.

სამეგრელო-ზემო სვანეთის სამხარეო ადმინისტრაციის ცნობით, 698 საცხოვრებელი სახლის  სრულად,  ან ნაწილობრივ გადახდილი სახურავების აღსადგენად  დაზარალებული მოსახლეობისთვის შესაბამისი მასალის გაცემის პროცესი დასრულების ფაზაშია.

დაზიანებული საბავშვო ბაღების, სკოლებისა და დევნილთა კომპაქტური ჩასახლებების რაოდენობამ 31-ს მიაღწია, 

რეგიონის სხვადასხვა მუნიციპალიტეტში, სახურავებთან ერთად, რამდენიმე საცხოვრებელი სახლის კედლებიც ჩამოიშალა, მათ აღსადგენად საჭირო სამშენებლი მასალების გადაცემის პროცესი მიმდინარე დღეებში დასრულდება.