ნარკოტიკული საშუალებით შესაძლო ინტოქსიკაციის შემთხვევებზე რეაგირების მიზნით ორგანიზაცია „მანდალა - ზიანის შემცირება" დღეს საღამოს კლუბ „მტკვარზე" და „ხიდზე" განახორციელებს პრევენციულ აქციას და უფასოდ გაავრცელებს ნარკოტიკული ნივთიერებების ტესტერებს.
„გავრცელდა ინფორმაცია, რომ დაფიქსირდა ადამიანების ინტოქსიკაციის შემთხვევები, რომლებიც სავარაუდოდ ფენტანილის მოხმარებით იყო გამოწვეული!
არსებობს ინფორმაცია, რომ ადამიანებმა არ იცოდნენ, რას მოიხმარდნენ და აღნიშნული ნივთიერება შეიძინეს, როგორც MDMA!
აქედან გამომდინარე, ხვალ, მანდალა - ზიანის შემცირება • Mandala - Harm Reduction - ის გუნდი საგანგებო რეჟიმში შეეცდება განახორციელოს პრევენციული აქცია კლუბ „მტკვარზე" და „ხიდზე"
ჩვენ სრული კონფიდენციალურობის დაცვით და უფასოდ გავავრცელებთ ნარკოტიკული საშუალებების ტესტერებს!", - ვკითხულობთ განცხადებაში.