„ქართული მარში“ და „პატრიოტთა ალიანსი",  მხარდამჭერებთან ერთად, იუსტიციის სახლთან რჩებიან და ამბობენ, რომ  „შენობის პიკეტირებას გააგრძელებენ სამუშაო საათების დასრულებამდე“. ჯონდი ბაღათურიას თქმით, ისინი იუსტიციის სახლში არ შეუშვებენ უცხოელებს ან იმ მოქალაქეებს, რომლებსაც მიწის უცხოელებზე გაყიდვა სურთ.

ბაღათურიას თქმით, საჭიროების შემთხვევაში, იუსტიციის სახლთან დაიდგმება კარვებიც. 

აქციის ორგანიზატორები მოქალაქეებს მოუწოდებენ ხვალ, 10 საათზე შეუერთდნენ აქციას იუსტიციის სახლთან. 

„ქართული მარში“, „პატრიოტთა ალიანსი" და მათი მხარდამჭერები იუსტიციის სახლთან საკონსტიტუციო სასამართლოს გადაწყვეტილებას აპროტესტებენ, რომლითაც სასოფლო-სამეურნეო დანიშნულების მიწების უცხოელებზე გასხვისების შემზღუდველი მორატორიუმი გაუქმდა. ისინი იუსტიციის მინისტრს მიმართავენ, არ დაუშვან მიწების უცხოელებზე გასხვისება.