საქართველოს აღმოსავლეთ მთიანეთს ახალი დაცული ტერიტორია ექნება. გარემოს დაცვისა და სოფლის მეურნეობის მინისტრის ლევან დავითაშვილის თქმით, გუდამაყარში, ფშავსა და პირიქითა ხევსურეთში დაცული ლანდშაფტი იქმნება. „არაგვის დაცული ლანდშაფტი“ - ასე ერქმევა ახალ დაცულ ტერიტორიას.
„იქმნება არაგვის დაცული ტერიტორია დაცული ლანდშაფტის სახით, რომელსაც მუნიციპალიტეტი და დაცული ტერიტორიების სააგენტო ერთობლივად მართავენ და განახორციელებენ პროექტებს. გუდამაყარში, ფშავსა და პირიქითა ხევსურეთში იქნება დაცული ლანდშაფტი, რომელიც ეკოტურიზმის განვითარების საშუალებას მოგვცემს“, - თქვა მინისტრმა ჟურნალისტებთან მთავრობის სხდომის დასრულების შემდეგ.
