საქართველოს სახალხო დამცველი მოუწოდებს პარლამენტს არ მიიღოს კანონი, რომელიც პრეზიდენტის ადმინისტრაციის თანამშრომლებს სამართლებრივ სტატუსს უცვლის.
ომბუდსმენი აღნიშნავს, რომ კანონპროექტით საქართველოს პრეზიდენტის ადმინისტრაციაში დასაქმებულ პროფესიულ საჯარო მოხელეებს თანამდებობიდან გათავისუფლების გამარტივებული საფუძველი იქმნება.
სახალხო დამცველი მიიჩნევს, რომ აღნიშნული საკანონმდებლო ინიციატივა არღვევს პრეზიდენტის ადმინისტრაციის თანამშრომლების შრომით უფლებებს, მათ შორის, საქართველოს მოქალაქეების კონსტიტუციურ უფლებას არ გათავისუფლდნენ თანამდებობიდან დაუსაბუთებლად.
იხილეთ ვრცლად განცხადება: