ომბუდსმენი ნინო ლომჯარია გიორგი გახარიას პასუხობს და ამბობს, რომ სახალხო დამცველის მანდატი ადამიანის კონსტიტუციური უფლებების დაცვაზე ზედამხედველობაა. პოლიციის უსაფრთხოება კი შსს-ს პრეროგატივაა.
"მე ვფიქრობ, ოპოზიციისთვის წინასწარ რომ ყოფილიყო გაფრთხილება გაკეთებული, რომ ამ გზით ვერ შევიდოდნენ თელავში და ალტერნატიული გადაადგილების გეგმა თუნდაც წინა დღით შეეთავაზებინათ, ოპოზიცია უფრო დროულად ორგანიზდებოდა და პოლიციას არ მოუწევდა საპროტესტოდ დამუხტული მასის აგრესიის ატანა. ამით უფრო იქნებოდა დაცული გამოხატვის თავისუფლება და პოლიციის უსაფრთხოება. მე პატივს ვცემ ქართულ პოლიციას, მაგრამ ჩემი მანდატი ადამიანის კონსტიტუციური უფლებების დაცვაზე ზედამხედველობაა. პოლიციის უსაფრთხოება შსს-ს პრეროგატივაა." - წერს ნინო ლომჯარია სოციალურ ქსელში.
შს მინისტრმა გიორგი გახარიამ ჟურნალისტებთან სახალხო დამცველი დღევანდელი განცხადების შეფასებისას განაცხადა, რომ ის მოუწოდებს სახალხო დამცველს ყურადღება მიაქციოს როგორ იქცევიან აქციის მონაწილეები.
"სახალხო დამცველს ასევე მინდა, მოვუწოდო, მიაქციოს ყურადღება, თვითონ აქციის მონაწილეები როგორ იქცევიან და ზოგჯერ პოლიციელის, ჟურნალისტისა და სახელმწიფო მოსამსახურის უფლებებსაც სჭირდება დაცვა. ხანდახან მინდა გავახსენო მას ეს." - ასე უპასუხა გიორგი გახარიამ სახალხო დამცველის დღევანდელ განცხადებაზე ჟურნალისტის შეკითხვას.
ომბუდსმენი შსს-ს: მომიტინგეთა გადაადგილება მანიფესტაციის მიზნით მათი კონსტიტუციური უფლებაა
