გენდერული თანასწორობის საბჭოს მიერ წარმოდგენილ საკანონმდებლო ცვლილებათა პაკეტის სექსუალური შევიწროების რეგულირებაზე სამუშაო შეხვედრისას „ქართული ოცნების“ წევრმა, დეპუტატმა დიმიტრი ცქიტიშივილმა განაცხადა, რომ „აღფრთოვანებული არ არის“ პრეზიდენტის საპარლამენტო მდივნად დიმიტრი გაბუნიას დანიშვნით.
დეპუტატის თქმით, ის გაბუნიას არ დანიშნავდა ამ პოზიციაზე, თუმცა ეს პარლამენტის გადასაწყვეტი არ არის - ასე უპასუხა ცქიტიშვილმა „საფარის“ წარმომადგენლის, ბაია პატარაიას შეკითხვას, თუ როგორ აფასებდნენ შეხვედრაზე მყოფი პარლამენტარები იმ პირის „უმღალეს თანამდებობაზე“ დანიშვნას, რომელიც საუბრობდა სექსუალურ შევიწროებაზე, როგორც ნორმაზე.
ცქიტიშვილის თქმით, გაბუნიას განცხადებები ბუნდოვანი იყო და ინტერპრეტირების საშუალებას იძლეოდა.
„დიდად არ ვარ აღფრთოვანებული, მაგრამ ეს პრეზიდენტის კომპეტენცია იყო. ეს იყო მისი გადასაწყვეტი", - განაცხადა დეპუტატმა.
