პრეზიდენტის საპარლამენტო მდივნის, დიმიტრი გაბუნიას თქმით, ცესკოს თავმჯდომარეობის კანდიდატებს ხვალ წარადგენენ საარჩევნო ადმინისტრაციაში, თუმცა მისივე თქმით, წარდგენამდე არასამთავრობო ორგანიზაციებთან უნდა გაიარონ კონსულტაცია.
„წინა პარასკევს გამოცხადაა ცესკოს საბოლოო შედეგები, ხვალ გვაქვს ბოლო ვადა, ხვალ წარვადგენთ თავმჯდომარეობის 3 კანდიდატს, მას შემდეგ რაც პრეზიდენტი დღეს, დღის მეორე ნახევარში შეხვდება არასამთავრობო ორგანიზაციებს, მათთან გაივლის კონსულტაციებს და ამ კონსულტაციების შედეგად იქნებიან წარდგენილნი კანდიდატები“, - განაცხადა გაბუნიამ.